ئاڵکە کۆستە ... !!!
گۆڕی پیاو چاکێکی بە نێو بانگ بوو، بە گۆڕی وەلی و پیاوی خوا ناوی دەهێنرا، پیر و شێخێکی تکاکار بوو لای خوا بۆ ئەوکەسانەی ڕوویان تێدەکرد، بەڵام نەماندەزانی
گۆڕی کێیە؟ تەنها هێندە نەبێ بە مەرقەدی [ ئاڵکە کۆستە] ناسرابوو، هەندێک پێی دەڵێن [ئاڵکە کۆستەی تکاکار] و ، هەندێکیش پێی دەڵێن [پیر ئاڵک]، لە نێو قەبرستانی بەرزنجە دابوو ، نزیک گۆڕی [باوە ڕەسوڵی گەورە ی بەرزەنجی] بوو ، قەبرێکی کێڵ بەرز بوو ، کێڵەکانی بەقەد باڵا پیاوێک دەبوو، لە بەرد درووستکرابوون ، وەک کێڵی ئیمڕۆ نەبوون ، هەم لە بەرزی و هەم لە درووستکردن دا جودا بوون ، لە ڕووی ئەو مادانەی لێی پێکهاتبوو تاقانەی نێو گۆڕستانەکە بوو، قەبرێکی کۆنینە بوو، نازانم بڵێم سەدان ساڵ یان هەزاران ساڵی تەمەن بوو ، هێندە کۆن بوو، کیلەکانی شەقیان بردبوو، هەڵدەوەرین و تەڵزمیان لێدەبۆوە، بە پێی گۆڕەکەی بێت، دەبێ ئاڵکە کۆستە پیاوێکی باڵا بەرزی قەڵەو بوو بێت. چونکە گۆڕەکەی هەم پانە و هەمیش درێژ. هەرکەسێک نەخۆشی و ناڕەحەتی سپڵی هەبووایە ، سێ بەیانی لەسەر یەک بهاتایە و خۆی بدایە بەسەر کێڵی ئاڵکە کۆستەدا ، ئەوا بە ئیزنی خودا شیفای بۆ دەهات و چاک دەبوویەوە، وەک گوێزی ساغی لێدەهاتەوە، چاک دەبوویەوە و دەگەڕایەوە نێو ژیانی ئاسایی خۆی و لە دەرد و بەڵای سپڵ نەجاتی دەبوو، زۆر جار نەخۆش پەنای بۆ نەخۆشخانە نەدەبرد و تەنها لای ئاڵکە کۆستە خۆی چارەسەر دەکرد، هەندێک جاریش ئەو نەخۆشانەی لە پزیشک و چارەسەر بەحەب و دەرمان بێ ئومێد دەبوون، ڕویان لە ئاڵکە کۆستە دەنا تا نزا و تکایان بۆ بکات لای خوای مەزن و ، خوای گەورەش شیفای دەدان، لە بەردەم گۆڕی ئاڵکە کۆستە ی پیاو چاک دا ، کانیاووی [ئاڵکە کۆستە] هەبوو، ئەم کانییە تەنها بەهاران دەتەقی و پێیان دەوت کانییە بە هارە ی [پیر ئاڵکە کۆستە] ، تا گەرمای تەواو دادەهات ئاوی لێنەدەبرا ، ئاوێکی سپی و ڕوون و جوانی هەبوو ، خەڵکی دەهاتن بە دەبە لێیان دەبردەوە بۆ نەخۆشی ، هەم دەیانخواردەوە و هەم برین و گرێ و ڕووشاوی و شوێن ئازاریان پێ تەڕدەکرد و بە ئاسپایی دەیان شێلا و بەمەش چاک دەبوویەوە و شیفای بۆ دەهات، ئاڵکە کۆستەی پیری دەستگیر و ئاڵکە کۆستەی کانی دووانەیەکی لێکدانەبڕاوو بوون، لە ژیاری بەرزنجەدا شوێنی خۆیان جێهێشتووە و ناو و یادگارییان تۆمارکردووە. بڕوانە [چیرۆک و ئەفسانەکانی بەرزەنجە] ، تۆماری هەموو چیرۆک و ئەفسانەکانە لە لایەن [ نەسرین خانی موحەمەد ساڵح قادر موحەمەد ئەمین بایەزید بەرزنجی] و لێکۆڵێنەوە و پەڕاوێز نووسی و داڕشتنەوەی بەشێوەیەکی ئەدەبی لە لایەن [ هێمن مەلا کەریم بەرزنجی] لەم ساڵی 2018 چاپ و بڵاودەکرێتەوە و بەشێوەی ئەلیکترۆنی و پی دی ئێفیش دەخرێتە بەردەست خوێنەران.
گۆڕی کێیە؟ تەنها هێندە نەبێ بە مەرقەدی [ ئاڵکە کۆستە] ناسرابوو، هەندێک پێی دەڵێن [ئاڵکە کۆستەی تکاکار] و ، هەندێکیش پێی دەڵێن [پیر ئاڵک]، لە نێو قەبرستانی بەرزنجە دابوو ، نزیک گۆڕی [باوە ڕەسوڵی گەورە ی بەرزەنجی] بوو ، قەبرێکی کێڵ بەرز بوو ، کێڵەکانی بەقەد باڵا پیاوێک دەبوو، لە بەرد درووستکرابوون ، وەک کێڵی ئیمڕۆ نەبوون ، هەم لە بەرزی و هەم لە درووستکردن دا جودا بوون ، لە ڕووی ئەو مادانەی لێی پێکهاتبوو تاقانەی نێو گۆڕستانەکە بوو، قەبرێکی کۆنینە بوو، نازانم بڵێم سەدان ساڵ یان هەزاران ساڵی تەمەن بوو ، هێندە کۆن بوو، کیلەکانی شەقیان بردبوو، هەڵدەوەرین و تەڵزمیان لێدەبۆوە، بە پێی گۆڕەکەی بێت، دەبێ ئاڵکە کۆستە پیاوێکی باڵا بەرزی قەڵەو بوو بێت. چونکە گۆڕەکەی هەم پانە و هەمیش درێژ. هەرکەسێک نەخۆشی و ناڕەحەتی سپڵی هەبووایە ، سێ بەیانی لەسەر یەک بهاتایە و خۆی بدایە بەسەر کێڵی ئاڵکە کۆستەدا ، ئەوا بە ئیزنی خودا شیفای بۆ دەهات و چاک دەبوویەوە، وەک گوێزی ساغی لێدەهاتەوە، چاک دەبوویەوە و دەگەڕایەوە نێو ژیانی ئاسایی خۆی و لە دەرد و بەڵای سپڵ نەجاتی دەبوو، زۆر جار نەخۆش پەنای بۆ نەخۆشخانە نەدەبرد و تەنها لای ئاڵکە کۆستە خۆی چارەسەر دەکرد، هەندێک جاریش ئەو نەخۆشانەی لە پزیشک و چارەسەر بەحەب و دەرمان بێ ئومێد دەبوون، ڕویان لە ئاڵکە کۆستە دەنا تا نزا و تکایان بۆ بکات لای خوای مەزن و ، خوای گەورەش شیفای دەدان، لە بەردەم گۆڕی ئاڵکە کۆستە ی پیاو چاک دا ، کانیاووی [ئاڵکە کۆستە] هەبوو، ئەم کانییە تەنها بەهاران دەتەقی و پێیان دەوت کانییە بە هارە ی [پیر ئاڵکە کۆستە] ، تا گەرمای تەواو دادەهات ئاوی لێنەدەبرا ، ئاوێکی سپی و ڕوون و جوانی هەبوو ، خەڵکی دەهاتن بە دەبە لێیان دەبردەوە بۆ نەخۆشی ، هەم دەیانخواردەوە و هەم برین و گرێ و ڕووشاوی و شوێن ئازاریان پێ تەڕدەکرد و بە ئاسپایی دەیان شێلا و بەمەش چاک دەبوویەوە و شیفای بۆ دەهات، ئاڵکە کۆستەی پیری دەستگیر و ئاڵکە کۆستەی کانی دووانەیەکی لێکدانەبڕاوو بوون، لە ژیاری بەرزنجەدا شوێنی خۆیان جێهێشتووە و ناو و یادگارییان تۆمارکردووە. بڕوانە [چیرۆک و ئەفسانەکانی بەرزەنجە] ، تۆماری هەموو چیرۆک و ئەفسانەکانە لە لایەن [ نەسرین خانی موحەمەد ساڵح قادر موحەمەد ئەمین بایەزید بەرزنجی] و لێکۆڵێنەوە و پەڕاوێز نووسی و داڕشتنەوەی بەشێوەیەکی ئەدەبی لە لایەن [ هێمن مەلا کەریم بەرزنجی] لەم ساڵی 2018 چاپ و بڵاودەکرێتەوە و بەشێوەی ئەلیکترۆنی و پی دی ئێفیش دەخرێتە بەردەست خوێنەران.
هیچ نظری موجود نیست:
ارسال یک نظر