دابڕان

دابڕان

-1-

ماوەیەكە دەنگت نی یە

بۆیە هەواڵت دەپرسم.

واتێنەگەی بیرم كردوی !؟

لەدابڕان زۆر دەترسم .

-2-

زۆرم نامە بۆ هاتووە

بەڵام جێگەی هیچ ناگرێ‌ .

هیچم تیانەخوێندوونەوە

لەهەست وسۆزی تۆ بچێ‌ .

-3-

ئێستا ناوێرم وەك جاران

سەیری وێنەكانت بكەم .

دەترسێم لەدەریای ئەشكا

بەرەو مردن گینگڵ بدەم .

-4-

كە ئێواران تۆدەبینم 

من خۆمم بیر دەچێتەوە .

هێندە مەستی چاوت دەبم

بەئەستەم خۆم بیردێتەوە .

هێمن مه‌لا كه‌ریم به‌رزنجى

تێبینى // وینه‌كه‌ هێمن مه‌لا كه‌ریم به‌رزنجى یه‌ له‌ شارۆچكه‌ى "به‌رزنجه‌"