ئه‌م ماڵپه‌ره‌

ئەم ماڵپه‌رِه‌ تایبەتە بە بڵاوكردنەوەی بەشێك لەبەرهەمەكانم، وه‌ك لێكۆَڵه‌ر و، نووسەر و، مامۆستاى زانكۆ كە لەتەمەنی 17 ساڵیەوە دەنووسم، لە ساڵی 2000 و، یەكەم وتارم لە ڕۆژنامەی كوردستانی نوێ‌ / پاشكۆی ئەدەب و هونەر دا ، بڵاوكردۆته‌وه‌، بەناوی (غەم لە گۆرانی وتن دا)، لە مانگی 12/2000 دا، و لە ساڵی 2004 یەكەم كتیبم بەناوی (ڕێبەری سایتە كوردییەكان) لە چاپدا و، تا ئێستا زیاتر له‌ 200 كتیبی چاپ و بڵاوكراوه‌م هه‌یه‌، سه‌دان وتار و توێژینه‌وه‌م نووسیووه‌ و بڵاوم كردۆته‌وه‌ له‌ بواره‌كانى (كۆمپیوته‌ر، مێژوو، شه‌ریعه‌، شێعر و چیرۆك و لێكۆلینه‌وه‌ى وێژه‌یی، و ......). تاهه‌نووكه‌ به‌ تێكرایی زیاتر له‌ ((30)) هه‌زار لاپه‌ره‌ نووسینم هه‌یه‌.
به‌و هیوایه‌ى له‌رێگه‌ى ئه‌م ماڵپه‌ره‌ كه‌سییه‌وه‌ خزمه‌تێك به‌ خوێنه‌رى كورد بكه‌م.
هێمن مه‌لا كه‌ریم به‌رزنجى
خاوه‌ن و به‌رێوه‌به‌رى ماڵپه‌رِ

۱۳۹۷/۱/۱۵

مدیره‌ سوور ....

مدیره‌ سوور .... 
یه‌كێك له‌ مدیر ناحییه‌كانى به‌رزنجه‌ 
 یه‌كێك له‌ به‌رێوه‌به‌ره‌كانى ناحییه‌ى به‌رزنجه‌، به‌رێز ((هادى رِه‌شید چاوشلى)) بوو، كه‌ له‌ناو خه‌ڵكى ((به‌رزنجه‌)) و گونده‌كانى ده‌ور و به‌رى دا، به‌ ((مدیره‌ سوور)) ناسراوه‌ و ناوى ده‌ركردووه‌، پیاوێكى زۆر دڵسۆز و نیشتیمان په‌روه‌ر و خزمه‌تكار
بووه‌، هاوكات زۆر زۆر قۆشمه‌ و قسه‌ خۆش بووه‌ و ئێستاش چه‌ند نووكته‌ و قسه‌ى خۆشی لاى خه‌ڵكى به‌رزنجه‌ و چنگیان و ده‌ور و به‌ر ماوه‌ و له‌سه‌ر زارانه‌. 
مدیره‌ سوور ناوى ته‌واوى ((هادى ره‌شید چاوشلى)) یه‌ و له‌ مانگى ئازارى 1920ز له‌ ناوچه‌ى تۆپخانه‌ له‌ قه‌ڵاى هه‌ولێر له‌ دایك بووه‌، له‌ ساڵى ((1943ز)) كۆلێژى یاسا ته‌واو ده‌كات له‌ زانكۆى به‌غداد و بۆ ماوه‌ى 2 ساڵ كارى پارێزه‌رى ده‌كات. له‌ ساڵانى ((1945 تا 1954)) ده‌بێته‌ به‌رێوه‌رى ناحییه‌ له‌ ((ته‌یناڵ/بازیان، خورِماڵ، پێنجوێن، به‌رزنجه‌، قه‌ره‌داغ، له‌یلان و، حه‌ویجه‌)).
مدیره‌ سوور له‌ ته‌مه‌نى ((76)) ساڵى و له‌ ساڵى ((19966ز)) له‌ شارى هه‌ولێر كۆچی دواى كرد و هه‌ر له‌وێش به‌ خاك سپێر درا.
جێگه‌ى ئاماژه‌یه‌  مه‌رحوومى باوكم له‌ دوو په‌رِتووك دا باسی كردووه‌ و، چه‌ند نوكته‌ و قسه‌یه‌كى خۆشیشیمان تۆماركردووه‌ كه‌ له‌ داهاتوودا و، له‌ دوو توێى په‌رِتووكى سه‌ربه‌خۆ دا چاپ و بڵاوده‌كرێته‌وه‌ . هه‌روه‌ها له‌ زنجیره‌ په‌رِتووكى مێژووى به‌رزنجه‌شدا به‌ وردى باسمان كردووه‌.
 هێمن مه‌لا كه‌ریم به‌رزنجى

Image may contain: 1 person

Image may contain: 1 person, hat and closeup

Image may contain: text and outdoor

هیچ نظری موجود نیست:

ارسال یک نظر