ئه‌م ماڵپه‌ره‌

ئەم ماڵپه‌رِه‌ تایبەتە بە بڵاوكردنەوەی بەشێك لەبەرهەمەكانم، وه‌ك لێكۆَڵه‌ر و، نووسەر و، مامۆستاى زانكۆ كە لەتەمەنی 17 ساڵیەوە دەنووسم، لە ساڵی 2000 و، یەكەم وتارم لە ڕۆژنامەی كوردستانی نوێ‌ / پاشكۆی ئەدەب و هونەر دا ، بڵاوكردۆته‌وه‌، بەناوی (غەم لە گۆرانی وتن دا)، لە مانگی 12/2000 دا، و لە ساڵی 2004 یەكەم كتیبم بەناوی (ڕێبەری سایتە كوردییەكان) لە چاپدا و، تا ئێستا زیاتر له‌ 200 كتیبی چاپ و بڵاوكراوه‌م هه‌یه‌، سه‌دان وتار و توێژینه‌وه‌م نووسیووه‌ و بڵاوم كردۆته‌وه‌ له‌ بواره‌كانى (كۆمپیوته‌ر، مێژوو، شه‌ریعه‌، شێعر و چیرۆك و لێكۆلینه‌وه‌ى وێژه‌یی، و ......). تاهه‌نووكه‌ به‌ تێكرایی زیاتر له‌ ((30)) هه‌زار لاپه‌ره‌ نووسینم هه‌یه‌.
به‌و هیوایه‌ى له‌رێگه‌ى ئه‌م ماڵپه‌ره‌ كه‌سییه‌وه‌ خزمه‌تێك به‌ خوێنه‌رى كورد بكه‌م.
هێمن مه‌لا كه‌ریم به‌رزنجى
خاوه‌ن و به‌رێوه‌به‌رى ماڵپه‌رِ

۱۳۹۷/۱/۳۰

چه‌ند لایه‌نێكى ژیانى مه‌حوى

چه‌ند لایه‌نێكى ژیانى 
مه‌حوى
له‌ به‌ڵگه‌ نامه‌كانى عوسمانى دا ....
 له‌ ئێستا دا، سه‌رقاڵى خوێندنه‌وه‌ى ئه‌م په‌رِتووكه‌م، كتیبێك به‌ قه‌باره‌ بچووك و ، به‌ ناوه‌رۆك گرنگ و پربایه‌خ، كه‌ له‌ نووسینى براى به‌رێزم، مامۆستا ((هێمن عومه‌ر خۆشناو))ه‌ و، له‌ ((96)) لاپه‌ره‌ پێكهاتووه‌ و، له‌ بڵاوكراوه‌كانى ((ده‌ستنووسخانه‌ى
زانكۆى سۆران بۆ پاراستن و ساغكردنه‌وه‌ى به‌ڵگه‌ نامه‌ و ده‌ستنووس))ــه‌ به‌ ژماره‌ ((10)) و، چاپی یه‌كه‌مى له‌ ساڵى ((20188ز)) له‌ چاپخانه‌ى ((كارۆ)) له‌ شارى ((سلێمانى)) چاپ كراوه‌.به‌ تیراژى ((500)) دانه‌ یه‌ و ، به‌ ((3000)) هه‌زار دینار ده‌فرۆشرێت.
له‌گه‌ڵ خویندنه‌وه‌ى دا ، هه‌ست به‌ هه‌وڵ و مانوو بوونه‌كانى مامۆستا هێمن  خۆشناو ده‌كرێت. به‌ رِوونى شه‌و نووخنى و كۆڵنه‌دان و لێنه‌براووه‌ى خۆشناو ده‌بینرێت، ئه‌مه‌ش هه‌م جێگه‌ى ده‌ستخۆشییه‌ و هه‌م جێگه‌ى نزا و پارانه‌وه‌ى خێره‌ تاته‌مه‌ن درێژ و له‌ش ساغ و خامه‌ ره‌نگین تر بێت. 
 به‌ خوێندنه‌وه‌ى ئه‌م په‌رتووكه‌ زۆر خاڵى گرنگت ده‌رباره‌ى مه‌حوى لوتكه‌ و گه‌وره‌ شاعیر بۆ روون ده‌بێته‌وه‌، زۆر شتى نه‌وتراوو یان وتراوو به‌لام به‌ نادڵنیایی و ته‌م و مژ و گریمانه‌وه‌، ده‌خاته‌ رِوو. ئه‌مه‌ش شتگه‌لێكى ته‌م و مژاووى خراوه‌ به‌رده‌ست روون ده‌كاته‌وه‌.
 وه‌لێ له‌گه‌ڵ ئه‌وه‌شدا، له‌كاتى خوێندنه‌وه‌ى دا، هه‌ندێك ورده‌ سه‌رنجم بۆ درووست بوو، كه‌ لام وایه‌ به‌ خستنه‌ رووى ئه‌م سه‌رنجانه‌ خزمه‌تێك به‌ به‌رهه‌مه‌كه‌ى مامۆستا هێمن خۆشناو و، مه‌حوى لوتكه‌ش ده‌كه‌م، هه‌رچه‌نده‌ بوونى ئه‌م سه‌رنج و تیبینییانه‌ هیچ له‌ به‌رهه‌مه‌كه‌ كه‌م ناكاته‌وه‌ و له‌ گه‌وره‌ى و به‌رزى دانراوه‌كه‌ ناهێنێته‌ خوار. به‌ڵام به‌رهه‌مه‌كه‌ ده‌وڵه‌مه‌ند ده‌كات. هه‌ر بۆیه‌ هیوا خوازم مامۆستاى ئازیز به‌ دلێكى فراوانه‌وه‌ لێم وه‌ربگرێت و له‌و سۆنگه‌یه‌وه‌ لێى بروانێت كه‌ مه‌به‌ستم خزمه‌تكردن بووه‌ به‌ به‌رهه‌مه‌ ناوازه‌ و نایابه‌كه‌ى.
له‌ كۆتاى دا، جێى ئاماژه‌ پێدانه‌ كه‌ دوواى خوێندنه‌وه‌ى ته‌واوى  كتیبه‌كه‌، سه‌رنجه‌كانم ده‌خه‌مه‌ روو، له‌گه‌ڵ هیواى سه‌ركه‌وتن و به‌رده‌وامى بۆ مامۆستا هێمن خۆشناووى ئازیز و خه‌مخۆرى وێژه‌ و زمان و كه‌ڵتوورى كوردیی.
هێمن مه‌لا كه‌ریم به‌رزه‌نجى 
 نووسه‌ر و لێكۆڵه‌ر، مامۆستاى زانكۆ

No automatic alt text available.

Image may contain: text

هیچ نظری موجود نیست:

ارسال یک نظر