ئه‌م ماڵپه‌ره‌

ئەم ماڵپه‌رِه‌ تایبەتە بە بڵاوكردنەوەی بەشێك لەبەرهەمەكانم، وه‌ك لێكۆَڵه‌ر و، نووسەر و، مامۆستاى زانكۆ كە لەتەمەنی 17 ساڵیەوە دەنووسم، لە ساڵی 2000 و، یەكەم وتارم لە ڕۆژنامەی كوردستانی نوێ‌ / پاشكۆی ئەدەب و هونەر دا ، بڵاوكردۆته‌وه‌، بەناوی (غەم لە گۆرانی وتن دا)، لە مانگی 12/2000 دا، و لە ساڵی 2004 یەكەم كتیبم بەناوی (ڕێبەری سایتە كوردییەكان) لە چاپدا و، تا ئێستا زیاتر له‌ 200 كتیبی چاپ و بڵاوكراوه‌م هه‌یه‌، سه‌دان وتار و توێژینه‌وه‌م نووسیووه‌ و بڵاوم كردۆته‌وه‌ له‌ بواره‌كانى (كۆمپیوته‌ر، مێژوو، شه‌ریعه‌، شێعر و چیرۆك و لێكۆلینه‌وه‌ى وێژه‌یی، و ......). تاهه‌نووكه‌ به‌ تێكرایی زیاتر له‌ ((30)) هه‌زار لاپه‌ره‌ نووسینم هه‌یه‌.
به‌و هیوایه‌ى له‌رێگه‌ى ئه‌م ماڵپه‌ره‌ كه‌سییه‌وه‌ خزمه‌تێك به‌ خوێنه‌رى كورد بكه‌م.
هێمن مه‌لا كه‌ریم به‌رزنجى
خاوه‌ن و به‌رێوه‌به‌رى ماڵپه‌رِ

۱۳۹۷/۱/۲۲

کە نەیویست تێبگات ، قسە هەر قسەی خۆی دەبێت .... !!!

کە نەیویست تێبگات ، قسە هەر قسەی خۆی دەبێت .... !!!
زۆر جار توشی ئەو مرۆڤانە هاتووم کە قسە هەر قسەی خۆیانە و ، وەک کوردەواری دەڵێت کە وتیان ماست ڕەشە، ڕەشە و، بڕایەوە. جا ئەم جۆرە مرۆیانە واباشترە زۆر دەگەڵیان نەڵێی و دووای کەمێک گفتوگۆ و ، ناسینی ئاوەز و ئاستی تێگەیشتیان لێیان بگەڕێیت و ، بێ دەنگ بیت، بۆنموونە ڕووداوێک دەگێڕمه‌وه‌، دەربارەی بابەتێک لەگەڵ دۆستێک گفتوگۆمان بوو،
من وتم ئیمامی زەهەبی و ئیمامی ئیبن سەڵاحی شارەزووری وەهایان فەرموە و لە کتێبەکانیاندا وەهایان نوسیوە، کەچی ئەو وتی نەخێر مەلا عەبدوولکەریمی مودەڕیس پێچەوانەی ئەمەی نوسیوە. 
 من وتم ئیمام ئیبن حەزمی ئەندەلووسی و ئیمام ئەبوو نەسڕی بوخاری و ئیمامی شەنقیتی وەها دەفەرموون و بە وردی و بەڵگەوە ئەو بابەتەیان شەن و کەو کردووە، کەچی ئەو وتی شێخ مارفی نۆدێ ڕاستی وتووە و تەواوی نوسیوە و ئەمانەی ناوت هێنان ناماقوڵیان کرد.
من وتم ئاخر دکتۆر ئیحسان بەهرامی و دکتۆر ئومێدی تەبیب زادە و دکتۆر موحەمەد موعین و کەڵەزانای ئێرانی عەلی ئەکبەری دێهخودا وەها دەڵێن و بە لێکۆڵینەوە سەلماندوویانە، کەچی ئەو وتی ئەمانە کێن کە عەبدوولقادر بەرزنجی پشت ڕاستی ناکاتەوە. 
زیاتر قسەم کرد و ویستم باوەڕی پێ بهێنم و بێتەسەر ڕێگە ڕاستەکە و وتم بەڕێزم  جامی و فەریدەدین عەتار و دکتۆر فرەوەشی و دکتۆر گوڵموڕادی موڕادیش هاوڕان لەم بابەتە و یەک شتیان نوسیووە ، وتی ئاخر قوربان مامۆستا جەماڵ بابان پێچەوانەی ئەمە دەڵێت و لە سێ کتێبی دا ، پێچەوانەی ئەم دکتۆر و مکتۆر و زانا و چیی و چییانەی نووسیوە .
ئیدی تێگەیشتم کە ئەمە بشفڕێت هەر بزنە لە عەقڵ و ئاوەزی دایەتی و نایهەوێت تێبگات و ، قسە هەر قسەی خۆیەتی ، چونکە هەموو ئەو زانایانەی ناوم هێنان لێک جیاوازن و بەهیچ پێوەرێک جگە لە پێووەری ئینکاریی و کەلەڕەقی بوون ، پێکەوە بەراوورد ناکرێن و ناخرێنە تای بەرامبەری یەک لە تەرازوویەکدا. دووا ی ئەوەش بڕیارمدا بە هیچ جۆرێک نەکەومە گفتو گۆ و ڕای خۆم دەرببڕم و گوێم لەوە نەبێت کە بەرامبەر باوەڕ دەکات یان نا ؟ ڕای چیدەبێت و چی دەڵێت بۆ خۆی و ، من ئاوەز و ڕای خۆم و بەرامبەریش ئاوەز و ڕای خۆی.


هێمن مەلا کەریم بەرزەنجی


No automatic alt text available.

Image may contain: Hemn Mela Karim Barznji, standing, suit and indoor



هیچ نظری موجود نیست:

ارسال یک نظر