ئه‌م ماڵپه‌ره‌

ئەم ماڵپه‌رِه‌ تایبەتە بە بڵاوكردنەوەی بەشێك لەبەرهەمەكانم، وه‌ك لێكۆَڵه‌ر و، نووسەر و، مامۆستاى زانكۆ كە لەتەمەنی 17 ساڵیەوە دەنووسم، لە ساڵی 2000 و، یەكەم وتارم لە ڕۆژنامەی كوردستانی نوێ‌ / پاشكۆی ئەدەب و هونەر دا ، بڵاوكردۆته‌وه‌، بەناوی (غەم لە گۆرانی وتن دا)، لە مانگی 12/2000 دا، و لە ساڵی 2004 یەكەم كتیبم بەناوی (ڕێبەری سایتە كوردییەكان) لە چاپدا و، تا ئێستا زیاتر له‌ 200 كتیبی چاپ و بڵاوكراوه‌م هه‌یه‌، سه‌دان وتار و توێژینه‌وه‌م نووسیووه‌ و بڵاوم كردۆته‌وه‌ له‌ بواره‌كانى (كۆمپیوته‌ر، مێژوو، شه‌ریعه‌، شێعر و چیرۆك و لێكۆلینه‌وه‌ى وێژه‌یی، و ......). تاهه‌نووكه‌ به‌ تێكرایی زیاتر له‌ ((30)) هه‌زار لاپه‌ره‌ نووسینم هه‌یه‌.
به‌و هیوایه‌ى له‌رێگه‌ى ئه‌م ماڵپه‌ره‌ كه‌سییه‌وه‌ خزمه‌تێك به‌ خوێنه‌رى كورد بكه‌م.
هێمن مه‌لا كه‌ریم به‌رزنجى
خاوه‌ن و به‌رێوه‌به‌رى ماڵپه‌رِ

۱۳۹۷/۱/۱۵

تانه دان له نەسەبی بەرزنجی .... !!!!!!!


شێخى داشۆرین ((رِه‌زاى تاڵه‌بانى)) و تانه دان له نەسەبی بەرزنجی .... !!!!!!!
 ئه‌گه‌رچی له‌ كۆنه‌وه‌ ، دۆستایه‌تى ته‌واو له‌ نێوان بنه‌ماڵه‌ى به‌رزه‌نجى و ، بنه‌ماڵه‌ى تاڵه‌بانى هه‌بووه‌، به‌ جۆرێك له‌ مێژووى سی سالێك پێش ئیمرۆ دا، بنه‌ماڵه‌ى تاڵه‌بانى خۆیان به‌ لقێكى به‌رزه‌نجى ده‌زانى كه‌ ئه‌ویش لقى كاكه‌ سوورى ((گولى)) به‌رزه‌نجى یه‌، و هاوكات دۆستایه‌كى به‌ هێز له‌ نێوان بنه‌ماڵه‌ى حه‌فیدى به‌رزه‌نجى و بنه‌ماڵه‌ى

تاڵه‌بانى هه‌بوو، وه‌لێ ئه‌م دۆستایه‌تى یه‌ نه‌بووه‌ هۆكار بۆئه‌وه‌ى به‌رزنجه‌ و به‌رزه‌نجى یه‌كان له‌ زمانه‌  تیژه‌كه‌ى شێخى هه‌جوو ((رِه‌زاى تاڵه‌بانى )) به‌ دووربێت. هه‌رچه‌نده‌ له‌ چه‌ندین شێعریشدا وه‌سفى به‌رزه‌نجه‌ و به‌رزه‌نجییه‌كانى كردووه‌.
 له‌و ده‌مه‌ى را، كه‌ رِووداوێكى خوێناوى له‌ نێوان تاڵه‌ بانییه‌كان و لقێكى به‌رزه‌نجى یه‌كان ، رِووى دا و، كوشتار ى لێكه‌وته‌وه‌ له‌ هه‌ردوولا. به‌ جۆرێك گه‌وره‌بوو كه‌ حكومه‌تى عوسمانیش كه‌وته‌ نێوانیان و ناو بژى كردن و ئاوى ((ته‌یناڵ)) كه‌ موڵكى شێخ ((عه‌لى تاڵه‌بانى)) بوو ده‌یده‌نه‌ به‌رزه‌نجى یه‌كان و له‌ جیاتى ئه‌وه‌ زۆربه‌ى ئاو و دێهاتى ((له‌یلان)) و ((یه‌حیاوا)) ده‌ده‌نه‌ شێخ ((عه‌لى)).
 ئیدى به‌هۆى ئه‌م شه‌ر و ناكۆییه‌وه‌، ئه‌و هه‌موو دۆستایه‌تییه‌ به‌ باچوو، به‌ جۆرێك كه‌ شێخى هه‌جوو گوێى به‌و دۆستایه‌تییه‌ كۆن و له‌ مێژینه‌یه‌ نه‌دا و، ئه‌و هه‌موو شێعره‌ى وه‌لانا كه‌ له‌ په‌سنى به‌رزه‌نجه‌ و به‌رزه‌نجى یه‌كان نووسیبووى و، نه‌یتوانى پشتیووانى تاڵه‌بانییه‌كان نه‌كات و، بێ لایه‌نى هه‌لبژێرێت، به‌م هۆیه‌وه‌ هه‌جووه‌ به‌ناو بانگه‌كه‌ى نووسی كه‌ تیایدا هێرش ده‌كاته‌ سه‌ر ره‌چه‌ڵه‌ك و نه‌سه‌بی به‌رزه‌نجه‌ و به‌رزه‌نجییه‌كان و ده‌نووسێت:
شاه حسین از خواب دیدم در ملا
گفتم اى شــاه شــهید كــربـــلا.
سیدى ((برزنجه‌)) از نسل تواند؟
((قـــال لا و الله هــذا مــفتـرى)).
واته‌:
شاهـ حوسێنم له‌ خودا دیت به‌ ئاشكه‌را
وتم ئه‌ى شاهى شه‌هیدى كه‌ربه‌لا.
سه‌ییدى به‌رزنجه‌ له‌ نه‌وه‌ى تۆن؟
((وتى : ناوه‌لا ئه‌مه‌ بوهتانه‌.))
 دیاره‌ شێخ ((رِه‌زاى تاڵه‌بانى)) جگه‌ له‌م شێعره‌ هه‌جووه‌، زۆر شێعریشی له‌ په‌سنى به‌رزه‌نجه‌ و به‌رزه‌نجى یه‌كان نووسیووه‌ كه‌ له‌ بابه‌تى تایبه‌ت و سه‌ربه‌خۆ دا و له‌ مێژووى به‌رزه‌نجه‌ دا، هه‌موویانم هێناوه‌ و باسم كردوون .
هێمن مه‌لا كه‌ریم به‌رزه‌نجى 
 كوردستان - سلێمانى - مامه‌ یاره‌

Image may contain: one or more people and text

هیچ نظری موجود نیست:

ارسال یک نظر