ئه‌م ماڵپه‌ره‌

ئەم ماڵپه‌رِه‌ تایبەتە بە بڵاوكردنەوەی بەشێك لەبەرهەمەكانم، وه‌ك لێكۆَڵه‌ر و، نووسەر و، مامۆستاى زانكۆ كە لەتەمەنی 17 ساڵیەوە دەنووسم، لە ساڵی 2000 و، یەكەم وتارم لە ڕۆژنامەی كوردستانی نوێ‌ / پاشكۆی ئەدەب و هونەر دا ، بڵاوكردۆته‌وه‌، بەناوی (غەم لە گۆرانی وتن دا)، لە مانگی 12/2000 دا، و لە ساڵی 2004 یەكەم كتیبم بەناوی (ڕێبەری سایتە كوردییەكان) لە چاپدا و، تا ئێستا زیاتر له‌ 200 كتیبی چاپ و بڵاوكراوه‌م هه‌یه‌، سه‌دان وتار و توێژینه‌وه‌م نووسیووه‌ و بڵاوم كردۆته‌وه‌ له‌ بواره‌كانى (كۆمپیوته‌ر، مێژوو، شه‌ریعه‌، شێعر و چیرۆك و لێكۆلینه‌وه‌ى وێژه‌یی، و ......). تاهه‌نووكه‌ به‌ تێكرایی زیاتر له‌ ((30)) هه‌زار لاپه‌ره‌ نووسینم هه‌یه‌.
به‌و هیوایه‌ى له‌رێگه‌ى ئه‌م ماڵپه‌ره‌ كه‌سییه‌وه‌ خزمه‌تێك به‌ خوێنه‌رى كورد بكه‌م.
هێمن مه‌لا كه‌ریم به‌رزنجى
خاوه‌ن و به‌رێوه‌به‌رى ماڵپه‌رِ

۱۳۹۷/۱/۱۵

خزمانى زڵ زڵه‌ .... !!!

خزمانى زڵ زڵه‌ .... !!!

به‌رزه‌نجى یه‌كانى گونده‌ جوانه‌كه‌ى  ((زڵ زڵه‌))، پورزاى باوكمن، حاجى ((موحه‌مه‌د ساڵح قادر موحه‌مه‌د ئه‌مین بایه‌زید -بایز- ى به‌رزنجى))، ئاخر ((پوركه‌ ئایشێ)) پورزامان بوو، پورزاى باوكم بوو، تا ئه‌م ساڵانه‌ى دوواى و سه‌ره‌تاى هه‌شتاكانى
سه‌ده‌ى بیسته‌م، هات و چۆى ته‌واو له‌ نێوانماندا هه‌بوو. زۆر به‌ته‌نگ یه‌كتره‌وه‌ بووین، به‌ڵام به‌ داخه‌وه‌ له‌ دوواى راپه‌رینه‌وه‌ ئه‌م هات و چۆیه‌ رووى له‌ كزى كرد، به‌تایبه‌تى دوواى مردنى باوكم ((خوا لێى خۆشبێت)) به‌ ته‌واوى هات و چۆ نه‌ما.
پوركه‌ ((ئایشێ)) سێ ((3)) كورِ و دوو ((2)) كچی هه‌بوو، ئه‌وانیش :
1- حه‌لاوه‌ خان كه‌ به‌ ((حه‌لاوى پوركه‌ ئایش)) ناسرابوو لاى ئێمه‌ى خزمانى ((به‌رزنجه‌)).
2- ئامینه‌ خان، كه‌ به‌ ((ئامینى پووركه‌ ئایش)) ناسرابوو لاى ئێمه‌ى خزمانى ((به‌رزنجه‌)).
3- غه‌ریب، كه‌ به‌ ((غه‌ریبى پووركه‌ ئایش)) ناسراوه‌ لاى ئێمه‌ى خزمانى ((به‌رزنجه‌)).
4- ئه‌حمه‌د، كه‌ به‌ ((ئه‌حمه‌دى پووركه‌ ئایش)) ناسراوه‌ لاى ئێمه‌ى خزمانى ((به‌رزنجه‌)).
55-حامید، كه‌ به‌ ((حامى پووركه‌ ئایش)) ناسرا بوو لاى ئێمه‌ى خزمانى ((به‌رزنجه‌))، له‌ سه‌یی سایه‌ق ((سه‌یید سادق)) داده‌نیشت، كورێكى هه‌بوو ناوى ((تۆفیق)) بوو، كه‌ به‌ داخه‌وه‌ تیا چوو، به‌ڵام نایزانم بۆچی ؟ و له‌ پاى چی ؟ كوژرا.
 حه‌لاوه‌ خانیش شووى كرد به‌ ((سه‌عید ى چناره‌یی))، به‌ڵام نایزانم ((ئامینه‌ خان)) شووى به‌ كێ كرد و، چی به‌سه‌ر هات...؟ له‌ نه‌وه‌كانى ((حه‌لاوه‌ خان)) هه‌ر یه‌ك له‌ ((عه‌لى حه‌لاوى پووركه‌ ئایش)) و ((په‌خشانى حه‌لاوى پووركه‌ ئایش))م ده‌ناسی، كه‌ بووكى ((حه‌مه‌ى حاجى قادرى به‌رزنجى)) بوو، ژن به‌ ژن بوو، ژنى ((عومه‌رى حه‌مه‌ى حاجى قادرى به‌رزنجى)) بوو، په‌خشان ژنێكى زۆر جوان و خان و مان بوو، شۆره‌ ژن بوو، زۆر خزم دۆست بوو.
 خزمانى گونده‌ ره‌نگین و جوانه‌كه‌ى ((زڵ زڵه‌)) هه‌موو سالێك كه‌ بنێشتیان ده‌كوڵاند، به‌ ((غه‌ریبى پووركه‌ ئایش)) دا، بنێشتى كوردى كوڵاوى جوانیان بۆ ده‌ناردین ، هه‌روه‌ها له‌ ((گه‌زۆ))ش بێبه‌شیان نه‌ده‌كردین، چه‌ند رۆژێك غه‌ریب لامان ده‌مایه‌وه‌ و دواتر ماڵئاواى ده‌كرد و ده‌گه‌رایه‌وه‌ ناو خزمان.
سه‌رچاوه‌ ::
 نه‌سرین خانى به‌رزه‌نجى، ژیاننامه‌ - بیره‌وه‌رى - یاداشت ، لێكۆلینه‌وه‌ و ساغكردنه‌وه‌ى : هێمن مه‌لا كه‌ریم به‌رزه‌نجى، ده‌ستخه‌ت.


Image may contain: sky and outdoor

هیچ نظری موجود نیست:

ارسال یک نظر