مــــاڵپــه‌رِی هێـمـن مــه‌لا كــه‌ریــم بــه‌رزنــجــى : دڵم تەنگە

ئه‌م ماڵپه‌ره‌

ئەم ماڵپه‌رِه‌ تایبەتە بە بڵاوكردنەوەی بەشێك لەبەرهەمەكانم، وه‌ك لێكۆَڵه‌ر و، نووسەر و، مامۆستاى زانكۆ كە لەتەمەنی 17 ساڵیەوە دەنووسم، لە ساڵی 2000 و، یەكەم وتارم لە ڕۆژنامەی كوردستانی نوێ‌ / پاشكۆی ئەدەب و هونەر دا ، بڵاوكردۆته‌وه‌، بەناوی (غەم لە گۆرانی وتن دا)، لە مانگی 12/2000 دا، و لە ساڵی 2004 یەكەم كتیبم بەناوی (ڕێبەری سایتە كوردییەكان) لە چاپدا و، تا ئێستا زیاتر له‌ 200 كتیبی چاپ و بڵاوكراوه‌م هه‌یه‌، سه‌دان وتار و توێژینه‌وه‌م نووسیووه‌ و بڵاوم كردۆته‌وه‌ له‌ بواره‌كانى (كۆمپیوته‌ر، مێژوو، شه‌ریعه‌، شێعر و چیرۆك و لێكۆلینه‌وه‌ى وێژه‌یی، و ......). تاهه‌نووكه‌ به‌ تێكرایی زیاتر له‌ ((30)) هه‌زار لاپه‌ره‌ نووسینم هه‌یه‌.

به‌و هیوایه‌ى له‌رێگه‌ى ئه‌م ماڵپه‌ره‌ كه‌سییه‌وه‌ خزمه‌تێك به‌ خوێنه‌رى كورد بكه‌م.

هێمن مه‌لا كه‌ریم به‌رزنجى

خاوه‌ن و به‌رێوه‌به‌رى ماڵپه‌رِ

۱۳۹۶/۱۰/۲۵

دڵم تەنگە

دڵم تەنگە
--------------------------------------
--------------------------------------
هێمن مه‌لا كه‌ریم به‌رزنجى
ماوەیەكە دڵم تەنگە و ...
هەرچەند دەكەم، نازانم بۆ !!
لەدووری دوو چاوی جوانتە
یان بۆ عەشقێكی سەرە ڕۆ .

***************************
ماوەیەكە دڵم تەنگە و...
چاوەكانم ئەسرینی غەم ئەبارێنێ‌ .
شەوی یەڵدای نائومێدیـــــــم ...
حەزوو خۆزگەم ئەتارێنێ‌ .
***************************
ماوەیەكە دڵم تەنگە و...
لەبەرچاوم هیچ شتێك وەك خۆی نەماوە .
جانازانم غەمی بێمروەتی تۆیە
یان بەڕاستی هەموو دنیا شڵە ژاوە .
****************************
ماوەیەكە دڵم تەنگە و...
ئەستێرەكانی خۆشنودی ناجریوێنن .
نامە و... یادگاری ڕابووردووت ...
هەمــــــوو شەوێ‌ دەمــــــــگریەنن .
****************************
ماوەیەكە دڵم تەنگە و...
گوێ‌ نادەمە كاره‌كانم .
بۆ دۆزینەوەی هەوارگەت
گەڕیدەی كۆڵانەكانم .
****************************
تێبینى // وێنه‌كه‌ 122 ساڵ پێش ئێستا گیراوه‌